Mary Mother Of Jesus

தமிழினம் தன் மானம் ,,,,,,

/தமிழர்களோட அடையாளம் இந்த வலைத்தளம் / இந்த வலைத்தளம் என் தமிழ் இனத்திற்கு சமர்பிக்கிறேன் ,,, / நான் தான் பெரிய தமிழன் என்ற பொய் அடையாளம் சொல்லி என் தமிழையும் தமிழ் இனத்தையும் அழித்தது போதும்-உங்கள் விக்னேஷ் .....வேண்டுகோள் ,,,,,, /

Saturday, April 7, 2012

நீங்களும் ஒரு புதிய நண்பனைப் பெறுங்கள்

                                மாதம் ஒரு புத்தகம்


        இந்த மாதம் நான் படித்தது ஊருக்கு நல்லது சொல்வேன் . எழுதியவர்  தமிழருவி மணியன் .
       அரசியல் தளத்தில் மிகவும் அறியப்பட்டவர் ஒரு சில தொலைகாட்சி நிகழ்வுகளில் அவரது பேச்சுகள் கேட்க வாய்ப்பு கிடைத்தது . அவை அவரின் சமுக கோணங்களையும் புரிய வைத்தது . பின் இந்த படைப்பு ஆனந்தவிகடனில் வந்தபோதும் படித்தேன் . இப்பொழுது அதை பற்றி எழுத படித்தேன். தொடராக வந்தபொழுது படித்த வேகம் தற்போது இல்லை .
 38 தலைப்புகளில் தான் படித்த புத்தகம் பாதித்த  மனிதர்கள் ஏற்படுத்திய அறிவின் தெளிவில் வந்து விழுந்த வார்த்தைகளின் தொகுப்பு என அவர் தன் முன்னுரையில் குறிப்பிட்டபடி நிறைய உள் மற்றும் வெளி நாடு சரித்திர ,புராண ,நிகழ்கால எடுத்துகாட்டுகளால் சமூக குணங்கள் பற்றிய ஒரு விரிவான அலசலாக இருக்கிறது . எல்லா தலைமுறைக்கும் பொருத்தமான நிறைய தலைப்புகள் . சில கட்டுரைகளில் அதிகமான எடுத்து காட்டுகள் சிறிது தொய்வை ஏற்படுத்துகிறது .
எனக்கு தெரிந்த விடுதலை போராட்ட வீரர்கள் பகத்சிங் ராஜகுரு போன்றோர் இடையே சந்திர சேகர ஆசாத் ,யதிதிரநாத் தாஸ் போன்றோர் பற்றிய செய்திகள் இன்னமும் நம் விடுதலையை பற்றி நிறைய தெரிந்து கொள்ள இருக்கிறது என்ற தெளிவை தந்தது


எனக்கு பிடித்த சில பகுதிகள்


       வெளிபடையாக வெல்வதல்ல வெற்றி உள்ளத்தை உருக்க வைக்கும் உட்பகையை முறியடிபதுதான் உண்மையான வெற்றி


வறுமையிலும் துயரத்திலும் இளைப் பாறுதல் தருவது இனிய நண்பர்கள் . நண்பர்கள் இல்லாத வாழ்க்கை சாட்சி இல்லாத மரணத்திற்கு சமம்


விதியை நம்பி விழுந்து கிடக்காமல் முயற்சியுடன் எழுந்து நடப்பவர் களையே காலம தன் கணக்கில் கொள்கிறது

முட்டி மோதும் துணிவே இன்பம் அதுதான் வாழ்க்கைப் போர். உயிரின் முயற்சியே வாழ்வின் மலர்ச்சி

வாழ்வு ஒரேயொரு நொடியல்ல ஒவ்வொரு நொடியாக வாழ வேண்டும். ஒவ்வொரு நொடியிலும் முழுமையாக வாழ வேண்டும் .


இன்றைய வாழ்க்கையை ரசனையுடன் வாழ்ந்து பார்க்கும் மனிதன் நேற்றைய நினைவிலும் நாளைய கனவிலும் காலத்தை கழிப்பதில்லை .

பிச்சை சமூகத்தின் சாபம் தானம் மனிதன் சக மனிதனுக்கு வழங்கும் வரம்


முற்றிலும் இல்லாவிட்டாலும் முறையற்ற ஆசைகளையாவது துறந்துவிட ஆசை கொள்வோம்


பெண் விடுதலை என்பது ஆணை வெற்றி கொண்டு அலசிய படுத்துவதோ அரைகுறை ஆடைகளில் அழகுக்கு வெளிச்சம் போட்டு காட்டுவதோ அற்ப காரணஙகளுக்காக விவாகரத்து  பெறுவதோ பெரியவர்களை பராமரிக்கும் கடமையிலிருந்து விடுபட்டு விலகி நிற்பதோ திருமணமே தேவையில்லை என்று தீர்மானம் போடுவதோ அன்று . பெண்கள் கூண்டுக்கும் கூடுக்கும் உள்ள வேற்றுமையை புரிந்து கொள்ளவேண்டும் . கூண்டு கூடாதென்பது ஆரோக்கிய சிந்தனை . கூடே கூடாதென்பது ஆபத்தான மனநோய்


பேசுவதற்கு தகுதியானவர் என்று தெரிந்தும் பேசாமல் இருந்துவிட்டால் நீ நல்ல மனிதரை இழந்துவிடு வாய் பேசுவதற்கு தகுதியற்றவர் என்று புரிந்தும் நீ பேசி விட்டால் உன் வார்த்தைகளை இழந்து விடுகிறாய் . அறிவுள்ளவன் மனிதர்களையும் இழப்பதில்லை .வார்த்தைகளையும் இழப்பதில்லை .


ஒரு புத்தகத்தை படிப்பது ஒரு புதிய நண்பனை பெறுவது போன்ற இனிய அனுபவம் அதே புத்தகத்தை மீண்டும் படிப்பது நெடுநாள் பிரிந்த நெருங்கிய நண்பனை திரும்பவும் சந்திப்பது போன்ற சுகமான அனுபவம் .




       

சிறுமை கண்டு பொங்குவாய் வா வா வா

என்னால் அப்படி பொங்க முடியாத தருணங்கள் சில,,,,,,,,,



* செய்திதாள்களில் மாணவன் தற்கொலை எனும் செய்தி வரும்போதெல்லாம் தன்னம்பிக்கை கொடுக்காத நம் கல்வி முறை குறித்து பேசும் போது

* அறிவியல் கண்டுபிடிப்பான இன்டர்நெட் மூலம் நல்ல நேரம் பார்த்து சிசேரியன் மூலம் குழந்தை பிறப்பை முடிவெடுக்கும் தெரிந்தவரை பார்க்கும் போது 


* கல்வியறிவு மற்றும் தொலைதொடர்பு குறைவாக இருந்தபோது பெண்ணின் திருமணத்திற்காக நடத்தப்பட்ட பருவமடைந்த விழா இப்போது சமூக அந்தஸ்தை வெளிக்காட்ட நடத்தப்படும்போது 


* நல்ல படித்த வேளையில் உள்ள பெண்களை திருமணம் செய்யும்போதுகூட தங்கள் அடுத்தவரிடம் பெருமை பேசவே வரதச்சினை வாங்க விரும்பும் இளைய சமுதாயத்தை பார்க்கும்போது


* சமூக வேலை என்று பெண்கள் வெளியில் வரும்போது வழியும் ஒரு சில ஆண்களை பார்க்கும் போது 


*ஆண்களின் உள்ளாடை மற்றும் வாசனை திரவியங்கள் விளம்பரத்தில் பெண்களை அரைகுறையாய் விளம்பரத்தில் காட்டும்போது


*இப்போது வரும் பல தொலைக்காட்சி தொடர்களில் இரண்டு மனைவிகள் அடுத்தவர் கணவன் அல்லது மனைவியை அடைவது போன்ற பண்பாட்டு சீரழிவுகள் தொடர்ந்து பார்க்கும் நம் சமுதாயம் அதை சார்ந்து சென்றுவிடுமோ என்று தோன்றும்பொழுது

*காதலித்து திருமணம் செய்து அதில் தோற்றவளை ஓடிப்போனவள் என ஒதுக்கும் சமூகம் காதலித்தவனை ஓடிப்போனவன் என ஒதுக்காதபோது


*எனக்கு ஆபாசம் என தோன்றும் சில விசயங்களை முகநூல் நண்பர்கள் என்னுடன் பகிரும்போது 


என்ன செய்யலாம் சொல்லுங்க?

பல்வேறு நிகழ்வுகளில் சுட்டது

மதிப்பு

இந்தியாவிலேயே முதல்முறையாக துத்துக்குடி மக்கள் நீதிமன்றத்தில் திருநங்கை ஒருவர் உறுப்பினராக நியமனம் செய்யப்பட்டுள்ளார் . வாழ்த்துக்கள் விஜி .

ரசிப்பு 


படித்தவன் பாடம் நடத்துறான்
படிக்காதவன் பள்ளிக்கூடம் நடத்துறான்

சிரிப்பு


அப்பனுக்கு ஆயிரம் மனைவிகள் சந்தேகமில்லை
மகனுக்கு ஒரேயொரு மனைவி ஓராயிரம் சந்தேகங்கள்




 பதைப்பு

சுடுகாட்டில் நெற்பயிர்
மண்ணில் பெண்சிசு

வாழ்த்து 


குழந்தைகளை வளர்க்காதீர்கள்
வளர விடுங்கள்

நேசிப்பு


அன்பானவர்கள் அழைக்காத போதும்
மனசு அவர்களுடன் தன்னந் தனியே 
பேசிக்கொண்டுதான் இருக்கிறது 

பாதிப்பு

ராமநாதபுரம் மாவட்டத்தில் நடந்த ஒரு விபத்தில் சிக்கி மதியப்ரதேச மாநிலத்தை சேர்ந்த சுற்றுலா பயணி பலியானர் அவருடைய மனைவி தன் மூன்று குழந்தைகளுடன மாமனார் மாமியாருடன் செல்ல மறுத்து காவல்
நிலையத்தில் தஞ்சம் அடைந்தார் காரணம் அவர்கள் குல வழக்கப்படி சதியை 
நிறைவேற்றுவிடுவர் என்ற பயம்

பெண்கள் அலங்கார பொம்மைகளா....

21.6.1946  குடியரசு இதழில் வெளியானது. சுலோச்சனா சம்பத் மணவிழாவில் தந்தை பெரியார் ஆற்றிய உரை 
                -தந்தை பெரியாரின் பெண்ணுரிமை சிந்தனை தொகுத்தவர்- 
கி. வீரமணி புத்தகத்தில் படித்ததில் சிறுதுளி  


         பெண்கள் மனித சமுதாயத்தில் சரி பகுதி எண்ணிக்கை கொண்டவர்கள்.  இரண்டொரு  உறுப்பில்  மாற்றம் அல்லாமல் மற்றபடி பெண்கள் ஆண்களுக்கு முழு ஒப்புமை கொண்டவர்கள். நாமும் அவர்களை குழந்தை பருவம் முதல் பேத உணர்ச்சி அற்று ஒன்று போல் நடத்துகிறோம் . ஆனால் அவர்கள் அறிவும் பக்குவமும் அடைந்தஉடன் அவர்களைப் பற்றி இயற்கைக்கு மாறான கவலை கொண்டு மனித சமுதாயத்தில் பொம்மைகளாக்கி பயனற்ற ஜீவனாக அவர்களது வாழ்வில் அவர்களை அவர்களுக்கும் மற்றவர்க்கும் கவலைப்படத்தக்க சாதனமாக செய்து கொண்டு அவர்களை காப்பாற்றவும் திருப்திபடுத்தவும் அலங்காரப்படுத்தி ஒரு அக்றிணை பொருளாக  ஆக்கி வருகிறோம். நம் பெண்கள் உலகம் பெரிதும் மாற்றம் அடைய வேண்டும். பொம்மை தன்மையிலேயே திருப்தி அடைகிறார்கள்
     பெண்களின் உருவை அலங்கரிப்பது அழகை மெச்சுவது சாயலை புகழ்வது
  ஆகியவை பெண் சமுதாயத்திற்கு அவமானம் இழிவு அடிமைத்தனம் என்பதை ஆயிரத்தில் ஒரு பெண்ணாவது உணர்ந்திருக்கிறார்களா 

    தன்னை அலங்கரித்துக்கொண்டு மற்ற மக்கள் கவனத்தை நம்மீது திருப்புவது இழிவு என்றும் அநாகரிகம் என்றும் ஏன் தோன்றுவதில்லை .
ஆண்கள் பார்க்கும் அத்தனை வேலைகளையும் எல்லா தொண்டுகளையும் பெண்கள் பார்க்க முடியும்.அதற்கு சுயமரியாதை அற்ற தன்மை வேண்டும் நம் நாட்டு பெண்கள் மேல்நாட்டு பெண்களை விட சிறந்த அறிவு வன்மை உடையவர்கள் ஆவார்கள் ஏன் ஏராளமானோர் வெளி உலகிற்கு வரக்கூடாது?

         எனவே பெற்றோகள் தங்கள் பெண்களை நல்ல பண்டமாக மாத்திரம் ஆக்காமல்  மனித சமுதாயத்திற்கு தொண்டாற்றும் கீர்த்தி புகழ் பெரும் பெண்ணாக   ஆக்க வேண்டும் பெண்ணும் தன்னை பெண் இனம் என்று கருத ஒரு இடமும் எண்ணமும் உண்டாகும்படி நடக்க கூடாது. ஒவ்வொரு பெண்ணும் நமக்குள் ஏன் இந்த பேதம் என்ற எண்ணம் கொள்ள வேண்டும் அவர்கள் புது உலகை சித்தரிக்க வேண்டும்

என் பார்வை 
            கிட்டதட்ட அறுபது ஆண்டுகளுக்கு முன்னால் யோசித்த பெரியாரின் எண்ணம் இன்னமும் சமுதாயத்திற்கு பெற்றோருக்கு ஏன் பெண்களுக்குமே வரவில்லை .பெரும்பாலான  படித்த பெண்கள் கூட தன உடைகளில் வாழ்க்கை முறைகளில் ஏற்படுத்திக்கொண்டுள்ள புதுமையான மாற்றங்கள் , தெளிவான தேவையான நேர்மையான சிந்தனைகளில் கொண்டு வரவேண்டும் .அரசியல் சமுகம் குறித்து தங்கள் பார்வையை திருப்ப அவர்களின் கல்வி பயன்பட வேண்டும் .ஆனால்   பெரியார் கூறியபடி பொம்மைதனத்தைதான் விரும்புகிறார்கள்

நட்பைக் கற்பிப்போம் -விக்கி

 செய்தி 
                சமீபத்தில்   19 வயது பெண்ணை தோழனுக்கு உதவி தேவை என அழைத்து அவனும் அவனது நண்பர்களும் சேர்ந்து சிதைத்துவிட்டனர்

என் பார்வை
                
              மற்ற எல்ல உறவுகளும் ஒரு கட்டாயத்தினாலோஅல்லது ஒரு எதிர் பார்ப் பினாலோ உருவாவது. ஆனால் நட்பு என்பது எந்த வித எதிர் பார்ப்பும் இன்றி நம்பிக்கை ஒன்றின் அடிபடையிலே தோன்றுவது .
         சென்ற தலைமுறையில் எங்கோ சில இடங்களில் அனுமதிக்கப்பட்ட ஆண் பெண் நட்பு இந்த தலைமுறையில் அங்கீகரிக்கப்பட்ட வளர்ச்சியாக எண்ணி மகிழ்ந்த அதே வேளையில் அதிர்ச்சி தரும் இந்த நிகழ்வு. நட்பின் நம்பிக்கையை சிதைத்த இந்த நிகழ்வு அனைவரின் மனதிலும் ஒரு நெருடல் ஏற்படுத்திவிட்டது
தோழியை ஏமாற்றிய இந்த கொடுமை ஏன்?
      பருவ வயது மாற்றங்கள் குறித்த அறிவுரைகள் பெண் குழந்தைகளுக்கு அவர்களின்பெற்றோர்களாலோபள்ளிகளிலோசிறிதளவேனுமஅறிவுறுத்தப்படுகிறது பத்திரிகைகள் மற்றும் தொலைக்காட்சி ஆகியவற்றில் பெண்ணின் பருவ மன உணர்வு குறித்து விவாதிகின்றனர் குட் டச் குறித்து பேசப் படுகிறது.
     ஆனால் ஆண் குழந்தைக்கு இந்த வாய்ப்புகள் எதுவும் கிடைப்பதில்லை. அதனால் அவன் வயது நட்புடன் மட்டுமே விவாதிக்கிறான். அரைகுறையாய் இருக்கும் அந்த நட்பு காட்டும் திசையில் செல்ல வாய்ப்பு அதிகம். இல்லையெனில் இணையதளத்தின் வாயிலாக தவறான வலையில் விழ வாய்ப்புள்ளது . பெற்றோர் பிள்ளைகளின் இணையதள பயன்பாட்டை கவனித்துக்கொண்டே இருக்க முடியாது .இதற்கு தீர்வு என்ன?
       இந்த தலைமுறை எதிலும் வேகம்    நேற்றும் ஒரு மாணவன் ஒரு பெண் காதலிக்கவில்லை என்று அவளையும் கொன்று தானும் தற்கொலை செய்து கொண்டுள்ளான்
    பெண்ணின் சிநேக சிரிப்பு மட்டுமே காதலுக்கான அறிவிப்பாக எண்ண காரணம் பெண் நட்பு குறித்த தெளிவும் வாழ்க்கை குறித்த பார்வையும் இல்லாததே. அந்த பக்குவம் வரவில்லை .
     வெறியுடன் இருப்பது காதல் என்றால் அங்கே மனசு நேசிக்கபடவில்லை உடல் மீதுதான் காதல் அது காதல் இல்லை மோகம்
     ஒரு சில நிகழ்வுகள்ளுக்கு இவ்வளவு முக்கியத்துவம் தேவையா எனலாம் . இந்த நிகழ்வில் வீரியம் அதிகம் ஆனால் சமீப காலமாக இம்மாதிரியான செயல்பாடுகள் அதிகரித்துள்ளதால் விவாதிக்கும் தேவை உள்ளது
     கல்வி முறை பிரச்சினையில் எப்படி நீதிபோதனை வகுப்பு செயல்பட விரும்புகிறோமோ அதே போல் இப் பிரச்னை குறித்த மனோரீதியான அணுகுமுறை பள்ளியில் அறிமுகபடுத்த பட வேண்டும் மனோதத்துவ நிபுணர்களை கொண்டு அவர்களுடனான கலந்துரையாடலுடன் கூடிய பாடத்திட்டத்தை கொண்டுவரவேண்டும். அப்போதுதான் இனக்கவர்ச்சிக்கும் காதலுக்கும் நட்புக்கும் உள்ள வித்தியாசம் புரியும்.
    எது எப்படியோ இந்த நிகழ்வுகள் பெற்றோர் மற்றும் சமுதாயத்தில் சிறிது காலத்திற்காவது நல்ல நட்பை கூட சந்தேகபடவைக்கும்