Mary Mother Of Jesus

தமிழினம் தன் மானம் ,,,,,,

/தமிழர்களோட அடையாளம் இந்த வலைத்தளம் / இந்த வலைத்தளம் என் தமிழ் இனத்திற்கு சமர்பிக்கிறேன் ,,, / நான் தான் பெரிய தமிழன் என்ற பொய் அடையாளம் சொல்லி என் தமிழையும் தமிழ் இனத்தையும் அழித்தது போதும்-உங்கள் விக்னேஷ் .....வேண்டுகோள் ,,,,,, /

Tuesday, October 4, 2016

உங்கள் நம்பிக்கை..

உங்களுக்கு தன்னம்பிக்கையும், தைரியமும் ஏற்பட இதோ ஏழுஎளிய வழிகள்…!

1 நீங்கள் உங்களை எவ்வளவுக்கெவ்வளவு அதிகமாக நேசிக்க ஆரம்பிக்கிறீர்களோ அவ்வளவுக்கவ்வளவு உங்களுக்குள் தன்னம்பிக்கை வேரூன்றும். விரைவாகவே அதன் பயனை நீங்கள் உணர ஆரம்பிப்பீர்கள். எந்திரம்போல் எப்போதும்வேலை வேலை என்று அலையாமல் உடலுக்கும் உள்ளத்திற்கும் சற்று ஓய்வு கொடுத்து உங்களை நேசிக்கத்தொடங்கினால் மனதில் உற்சாகம் தோன்றி அமைதியும் தன்னம்பிக்கையும் ஏற்படும்.

2 உங்கள் மேனியழகு, உங்கள் உள்ளத்தில் தன்னம்பிக்கையை முழுமையாக மலரச் செய்யும். அதற்காக தினந்தோறும் உடற்பயிற்சி செய்யுங் கள். நிறைய தண்ணீர் பருகுங்கள். இனிப்பு பலகாரங்கள், கொழுப்புச்சத்துள்ள எண்ணெய் பலகாரங்களை தவிர்த்து புரோட்டீன் சத்து மிதமாக உள்ள உணவுவகைகளைத்தேர்ந்தெடுத்து உண்ணுங்கள். இரவில் நன்றாக தூங்குங்கள்.

3 உங்கள் முகத்திற்கும் மேனிக்கும் பொருத்தமான அழகுசாதன பொருட்களை மிதமாக பயன்படுத்துங்கள். அழகு உங்களை மகிழ்ச்சி நிறைந்த வராக மாற்றும்.

4 உங்களிடம் உள்ள சின்னஞ்சிறு குறைகளை பிறர்சுட்டிக்காட்டும் முன்பு நீங்களே அறிந்து, அவைகளை அகற்றும் வழிகளை ஆராய்ந்து வெற்றிகாணுங்கள். உங்கள்தோல்விகளை ஒப்புக்கொள்ள வெட்கப்படாதீர்கள். இப்படிச் செய்தால் தடைக் கற்கள் வெற்றி யின் படிக்கட்டுகளாக மாறுவதை உணர்வீர்கள்.

5 உங்கள் சொந்தவாழ்க்கை, தொழில், வியாபாரம், பணத் தேவை போன்ற அனைத்தையும் பற்றி முதலிலே ஒரு செயல்திட்டம் வகுத்துவிடுங்கள். அதற்கு தக்கபடி நடவடிக்கைகளை மேற்கொள்ளுங்கள். இதன் மூலம் எதிர்காலம் வளமாக அமையும். வளமான வாழ்க்கை தன்னம்பிக்கையை வளர்க்கும்.

6 வாழ்க்கை எப்போதும் அமைதியாக ஓடவேண்டும் என்று நினைக்காதீர்கள். சில செயல்களில் டென்ஷன் ஆனாலும் பரவாயில்லை.கொஞ்சம் `ரிஸ்க்’ எடுங்கள்.ரிஸ்க்கான விஷயங்களை தைரியமாக எதிர்கொண்டு வெற்றிவாகை சூடும்போது உங்களிடம் தைரியம் பிறக்கும்.

7 உங்களை நீங்கள் நம்புங்கள்…! உங்கள் மீது நீங்கள் ஒருபோதும் அவநம்பிக்கை கொள்ளாமல் எப்போதும் நம்பிக்கைகொள்ளுங்கள். உங்கள் திறமையை நீங்களே நம்பாவிட்டால் வேறு யார் நம்புவார்கள்.

நம்பிக்கையே உங்களின் திறமைக்கும், செயல்திறனுக்கும் சரியான அஸ்திவாரம்…!

தூக்கம் சில ரகசியம்..

மனிதனின் அடிப்படைத் தேவைகளில் முக்கியமான ஒன்றுதான் உறக்கம் எனும் தூக்கமாகும்.இது உடலின் ஆரோக்கியத்தைக்காப்பதில் முக்கிய பங்கு வகிக்கின்றது.

மனிதனின் வாழ்நாளில் மூன்றில் ஒரு பங்கு தூக்கத்தில் தான் கழிகின்றது. உடலிலுள்ள கோடிக்கணக்கான செல்களை தினமும் புதுப்பிக்கவும், உடலின் சோர்வு நீங்கி புத்துணர்வு பெறவும்,உடல்வளர்ச்சி [குறிப்பிட்ட வயது வரை ] பெறவும், தூக்கம்இன்றியமையாததாக உள்ளது.

இரவில் தூங்கும் போதுதான் உடலின் வளர்ச்சி அதிகரிக்கின்றது என்று இன்றைய அறிவியலாளர்கள்  கூறுகின்றனர்.தூங்குவதைப் பற்றியும் அதில் உள்ள அறிவியல் உண்மைகளையும் சித்தர் பெருமக்கள் தங்கள் நூல்களில் வடித்துள்ளனர்.

தூங்குவதற்கு ஏற்ற காலம் இரவு மட்டும் தான் என்பது இயற்கையின் விதிகளில் ஒன்று. பூமியின் தட்ப வெட்ப நிலைகள் மாறி இரவில் குளிர்ச்சி பொருந்திய சூழ்நிலை தான் தூங்குவதற்கு ஏற்ற காலமாகும்.

இரவில் அதிக நேரம் விழித்திருப்பதால் என்ன தீமைகள் விளையும் என்பது பற்றி சித்தர்பாடல் ஒன்று.

சித்த மயக்கஞ் செறியும் புலத்தயக்க மெத்தனுக்கமைந்த மென்பவை களித்தமுற வண்டுஞ் சிலரைநாயாய்ப் பன்னோய் கவ்வுமிராக் கண்டுஞ் சிலரைநம்பிக் காண் .

இதன் விளக்கம் :-இரவில் நித்திரை செய்யாதவர்களிடத்தில் புத்தி மயக்கம், தெளிவின்மை, ஐம்புலன்களில்[உடலில்]சோர்வு, பயம், படபடப்பு, அக்னி மந்தம், செரியாமை, மலச்சிக்கல், போன்ற நோய்கள் எளிதில் பற்றும்.

எந்த திசையில் தலை வைத்து படுக்க வேண்டும் என்பதை சித்தர்கள் அன்றே தெளிவாகக் கூறியுள்ளனர்.
உத்தமம் கிழக்கு
ஓங்குயிர் தெற்கு
மத்திமம் மேற்கு
மரணம் வடக்கு

கிழக்கு திசையில் தலை வைத்து படுப்பது மிகவும் நல்லது.தெற்கு திசையில் தலை வைத்துப் படுத்தால் ஆயுள் வளரும்.மேற்கு திசையில் தலை வைத்துப் படுத்தால் கனவு, அதிர்ச்சி உண்டாகும். வடக்கு திசையில் ஒரு போதும் தலை வைத்து தூங்கக் கூடாது.

இதனை விஞ்ஞான ரீதியாகவும் ஒப்புக்கொண்டுள்ளனர். வடக்கு திசையில் இருந்து வரும் காந்தசக்தி தலையில் மோதும் போது அங்குள்ள பிராண சக்தியை இழக்கும். இதனால் மூளை பாதிக்கப் படுவதுடன், இதயக் கோளாறுகள், நரம்புத்தளர்ச்சி உண்டாகும். மேலும் மல்லாந்து கால்களையும்,கைகளையும்  அகட்டி வைத்துக் கொண்டு தூங்கக் கூடாது.

இதனால்இவர்களுக்குத் தேவையான ஆக்ஸிஜன்(பிராண வாயு) உடலுக்குக் கிடைக்காமல் குறட்டை உண்டாகும்.குப்புறப் படுக்கக் கூடாது,  தூங்கவும் கூடாது. இடக்கை கீழாகவும், வலக்கை மேலாகவும் இருக்கும்படி கால்களை நீட்டி இடது பக்கமாக ஒருக்களித்துபடுத்து தூங்கவேண்டும்.

இதனால் வலது மூக்கில் சுவாசம் சூரியகலையில் ஓடும். இதில் எட்டு அங்குலம் மட்டுமே சுவாசம் வெளியே செல்வதால் நீண்ட ஆயுள் வளரும். மேலும் இதனால் உடலுக்குத் தேவையான வெப்பக்காற்று அதிகரித்து பித்தநீரை அதிகரிக்கச்செய்து உண்ட உணவுகள் எளிதில் சீரணமாகும்.

இதயத்திற்கு சீரான பிராணவாயு கிடைத்து இதயம் பலப்படும்.வலது பக்கம் ஒருக்களித்து படுப்பதால் இடது பக்க மூக்கின் வழியாக சந்திரகலை சுவாசம் ஓடும்.இதனால் பனிரெண்டு அங்குல சுவாசம் வெளியே செல்லும். இதனால் உடலில் குளிர்ச்சி உண்டாகும்.

இரவில் உண்ட உணவு சீரணமாகாமல் புளித்துப் போய் விஷமாக நேரிடும்சித்தர்கள் கூறியது அனைத்துமே நம் அனைவரின் நன்மைக்கே,இதை நாமும் பின்பற்றி பயன் பெருவோமாக..

வெற்றி தரும்....மொழிகள்

வெற்றி தரும் எண்ணங்கள்..

வெற்றி தரும் எண்ணங்களைபற்றி அறிஞர்களின் கருத்து.

*."வெற்றியினைச் சிந்தியுங்கள் வெற்றியை உருவகப்படுத்திப் பாருங்கள்.

வெற்றியை உருவாக்கத் தேவையான சக்தி உங்களிடம் செயல்படத் தொடங்கும்.

மனப்படம் அல்லது மனப்பான்மை மிக வலிமையுடன் நிலைபெறுகிறபோது அது சூழ்நிலைகளையும் கட்டுப்பாட்டுக்குள் கொண்டு வந்து விடுகிறது

. இதற்கும் மனக்கட்டுப்பாடுதான் அவசியமாகிறது"     -  வின்சென்ட் பீல்(மதப்போதகரும் மனோதத்துவ நிபுணரும்)

*."நம்பிகைதான் நிகழ்ச்களை உருவாக்குகிறது "   -    வில்லியம் ஜேம்ஸ்

*."எண்ணம் எவ்வளவு வன்மையுடன் உடலை ஆட்சி செய்கின்றது என்பதை எண்ணிப்பர்கும் பொழுது எனக்கு பெரும் வியப்பேற்படுகிறது "- கவிஞன் கதே

*."தொழிலில் வெற்றியும் தோல்வியும் மனதின் திறமையால் நிர்ணயிக்கப்படுவதில்லை ,மனப்பன்மையினல்தான் நிர்ணயிக்கப்படுகிறது "- டாக்டர்  வால்டர் ஸ்கட்

*."நாம் என்ன  நினைக்கிறோமோ ,அதுவாகத்தான் நாம் இருக்கிறோம் .நாம் இனி என்ன ஆகப்போகிறோம் என்பதையும்அதுதான் நிர்ணயிக்கிறது "-  டாக்டர் எம்.ஆர். காப்மேயர்

*."ஒருவன் எதை நினைக்கிறானோ ,அதுவாகவே இருக்கிறான்"-பைபிள்*."

நாம்  இப்போது எப்படி இருக்கிறோமோ என்பது இதற்கு முன் நாம் என்ன சிந்தித்தோம் என்பதைப் பொறுத்தது

அழகு யார்...?

இந்த உலகம் அழகானது. அதில் நிறைய அழகான மனிதர்கள் இருக்கிறார்கள். நாம் பாதையில் நடந்து செல்லும் போதும் வைபவங்களில் பங்கேற்கும் போதும் தொலைக்காட்சி பார்க்கும் போதும் அழகான மனிதர்கள் பலரைக் காண்கிறோம். மனிதர்கள் பொதுவாகவே அழகானவர்கள். நாம் ஒவ்வொருவரும் அழகை விரும்புகிறோம்.

அழகாக இருக்க ஆசைப்படுகிறோம். அழகாக இருக்க வேண்டும் என்பதற்காக பல முயற்சிகளில் ஈடுபடும் பலரையும் காண்கிறோம். நாமும் அப்படிச் செய்ய எத்தனிக்கிறோம்.அழகை பலர் பல கோணங்களில் பார்க்கின்றனர்.

அழகான உடலைக்கொண்டவர்களைப்பார்த்து அழகானவர்கள் என்றும், அழகாக ஆடை அணிந்திருப்பவர்களைப் பார்த்துஅழகானவர்கள் என்றும் நினைப்பவர்களும் சொல்பவர்களும் அப்படி இருக்க முயற்சிப்பவர்களையும் காணத்தான் செய்கிறோம்.

மனிதர்களின் அழகு என்பது ஒவ்வொருவருக்கும் ஒவ்வொருவிதத்தில் தென்படலாம். எப்படித் தென்பட்டாலும் எந்தக்கோணத்தில் பார்த்தாலும் மனிதர்களாகிய நாம் ஒவ்வொருவரும் அழகானவர்களே. ஆனால்…

• உண்மையான அழகு எப்படி வெளிப்படுகிறது?

• எப்படி அதைக் கண்டுகொள்வது?

• உண்மையான அழகுடையர்கள் யார்?என்ற வினாக்களுக்கான சரியான பதிலை நாம் கண்டிப்பாகவே தேடிப்பார்க்க கடமைப்பட்டிருக்கிறோம். தேடி அறிந்துகொள்ள ஆசையும் காட்டுகிறோம். உண்மையான அழகு மிகவும் அரிதாகவே மனிதர்களில் இருந்து வெளிப்படுகிறது. நாம் இயல்பாகப் பெற்றவை, நாம் கற்றுக்கொண்டவை,

எமக்குள் விதைத்து வளர்த்துக்கொண்ட நல்லவைகள் போன்றவற்றின் கூட்டுச் சேர்வுதான் அழகு என்ற வடிவில் வெளிவரும் அற்புதமான மனித வெளிப்பாடாகும். அது சற்றென்று வருவதல்ல. அது ஒன்றோடு மட்டும் சம்பந்தப்பட்டதுமல்ல.‘அழகு இயல்பாகக் கிடைக்கிறது. புரிந்துகொள்வதன் மூலம் அது வளர்கிறது. வளர்த்துக்கொள்வதன் மூலம் அது அழகாக வெளிப்படுகிறது.’

அழகை அழகாக வெளிப்படுத்த வேண்டுமானால் அழகாக வாழ்வதற்கு கற்றுக்கொள்ள வேண்டும். தொடர்ந்து வளர்த்துக்கொண்டிருக்கவும் வேண்டும். உண்மையான அழகு என்பது ஒருவரது சிநதனையில் இருந்து உருவாகிறது. அது அவரது நடத்தையின் மூலம் வெளிப்படுகிறது.

உண்மையான அழகிற்குச் சொந்தக்காரர்கள் பல அழகான குணங்களை கொண்டவர்களாக இருப்பார்கள். அந்தக்குணங்கள்தான் அவர்கள் அழகானவர்கள் என்பதை உறுதிப்படுத்துகின்றன. அவர்கள் பயனும் பெறுமதியும் மிக்கவர்கள் என்பதை எடுத்துக்காட்டுகின்றன.

அழகாக வாழக்கற்று, அழகை வளர்த்து வாழ்ந்துகொண்டு வருபவர்களிடம் இருக்கும் ஒரு சில அழகான குணங்களை மட்டும் இங்கு குறிப்பிட்டுக்காட்ட விரும்புகிறோம். அவை அழகின் அரத்தத்தைப் புரிய எமக்கு வாய்ப்பாக அமைந்துவிடும்.உண்மையான அழகு மன அமைதியினதும், மனமகிழ்ச்சியினதும் பிரகாசமாக வெளிவரும்.அழகான மனிதர்கள்,

*.எப்போதும் சந்தோசமாகவே இருக்க ஆசைப்படுவார்கள்.

*.அவர்கள் அதிகம் புன்னகைப்பார்கள்.

*.அமைதியாகவும் அழகாகவும் சிரிப்பார்கள்.

*.அவர்களில் இருந்து மகிழ்ச்சியும் உற்சாகமும் வெளிவரும்.

*.அவர்களின் புன்னகையில் அணைப்பு இருக்கும். அழைப்பும் இருக்கும்.

*.அவர்களைப்பார்க்கும் போது நாம் அவர்கள் மீது இலகுவாகவே ஈர்க்கப்பட்டுவிடுவோம்.

*.அவர்களின் தோற்றம் மற்றவர்களை வரவேற்பது போல் இருக்கும்.

*.அழகானவர்கள் முகம் கொடுக்கும் சந்தர்ப்பங்கள் எதுவாக இருப்பினும் அதை சளிக்கமாலும் முகம் சுழிக்காமலும் முகம் கொடுப்பார்கள். அவர்களில் இருந்து எட்டிப்பாயும் உள்ளார்ந்த அமைதி அவர்களது மனநிலையை மட்டுமல்ல, மற்றவர்களின் மனநிலையையும் சாந்தப்படுத்திவிடும்.

*.உண்மையான அழகுடையவர்கள் நாம் யார் என்பதை நன்றாகவே தெரிந்து வைத்திருப்பார்கள். அதாவது அவர்களுக்கு அவர்களை தெரியும். அவர்கள் வேறு எவராவது ஒருவராக வாழவே மாட்டார்கள். எதிர்பார்ப்புள்ளவர்களாகவும்,இலட்சியம் உள்ளவர்களாகவும் இருப்பார்கள். அவர்களுக்கு அவர்களது தகைமைகள், திறமைகள், பலம், பலவீனம் என்பன தெரியும்.

*.உண்மையான அழகுடையவர்கள் அவர்களை நன்றாகத் தெரிந்தும், புரிந்தும் வைத்திருப்பார்கள். மற்றவர்களை தெரிந்தும் புரிந்தும் கொள்வதை விட தன்னைத் தெளிவாகத் தெரிந்து வைப்பதும் புரிந்துகொள்வதுமே ஒரு தரமான மனிதனின் மிகச்சிறந்த அடையாளமாக இருக்கும். எமக்கு எம்மைத் தெரியாவிட்டால் நாம் மற்றவர்களுக்கு பல வழிகளில் பாதிப்புகளை ஏற்படுத்தக்கூடியவர்களாக ஆகலாம். அழகானவர்கள். எப்பொழுதும் அவர்ளை தெரிந்து கொண்டவர்களாகவும், புரிந்து கொண்டவர்களாகவும் இருப்பார்கள்.

*.நேர்மையான வாழ்க்கையை வாழ வேண்டும் என்பதற்காக பாடுபடுவது அழகான மனிதர்களின் பண்பாக இருக்கும். அவர்கள் ஒரு போதும் பிழையான தெரிவுகளை தெரிவு செய்ய மாட்டார்கள். மிகவும் உறுதியான உள்ளுணர்வுகளுடன் தீர்மானங்களை நிறைவேற்றுவார்கள். எது சரி, எது பிழை என்பதுஅவர்களுக்குத் தெரியும். அதனால் முட்டி மோதுண்டு, குற்ற உணர்வால் அவதிப்படாமல் வாழ இவை பலமான ஊன்றுகோள்களாக இருக்கும்.

*.சரியை சரியாகப் புரிவது போன்று, பிழையையும் சரியாகப் புரிந்துகொண்டால் மட்டும் தான் சரியான தீர்மானம் எடுக்கவும், முன்னேறிச் செல்லவும், சவால்களை சாதிக்கவும் முடியுமாக இருக்கும். அழகானவர்களிடம் இந்தப்பண்பு நிரப்பமாகவே இருக்கும்.‘நாங்கள் தெரிந்து வைத்திருக்கின்ற மிகவும் அழகான மனிதர்கள் எவ்வாறானவர்கள் என்றால், அவர்கள் வாழ்கைக்கு முகம் கொடுக்க முடியுமானவர்களாக இருப்பார்கள்.

*.நோவுகளையும், தடங்கல்களின் தன்மைகளையும் தெரிந்து வைத்திருப்பார்கள்.

*.இழப்புகளின் இயல்புகளை அறிந்துவைத்திருப்பார்கள்.*.கடன்பட்டு கஷ்டப்படாமல் தம்மைப் பாதுகாத்துக்கொள்ளவும் அறிந்து வைத்திருப்பார்கள்.

*.அவர்களுக்கு பாராட்டுதல், அங்கீகாரம், கௌரவம் என்பன கிடைப்பதால் கருணையாலும் அமைதியாலும் ஆழமான அன்பாலும் அவர்களின் வாழ்வு அலங்காரமாகி இருக்கும்.‘அழகானவர்கள் திடீரென தோன்றக்கூடியவர்கள் அல்லர்’என பிரபல மனோதத்துவ நிபுணர் எலிசபத் ரொபர் குறிப்பிடுவதிலிருந்து இதன் உண்மையை புரிந்துகொள்ளலாம்.அழகான மனிதர்கள் தம்மைச் சுற்றியிருப்பவர்கள் மீது கணிவும் கரிசனையும் கொண்டவர்களாக இருப்பார்கள். மற்றவர்களுக்கு உற்சாகம் ஊட்டுவதிலும் வாழவும் வளரவும் உதவி ஒத்துழைப்பதிலும் ஆர்வமாய் இருப்பார்கள். அவர்களது வார்த்தைகள் வளமானதாகவும், அவர்களது செயற்பாடுகள் தன்னலமற்றதாகவும் இருக்கும். அவர்களது ஒவ்வொரு வார்த்தையின் வெளிப்பாட்டிலும் அவர்களது குணத்தின் அழகைக் காணலாம்.அழகான மனிதர்கள் ஒருபோதும் அவசரப்படமாட்டார்கள். ஆவேசப்படவும்மாட்டார்கள். அமைதியும் நிதானமும் அவர்களில் நிரம்பியிருக்கும். அழகான மனிதர்கள் எப்பொழுதும் அழகானவர்கள். ஏனென்றால் அவர்கள் அவர்களைக் கவனித்துக் கொள்வார்கள். அழகாகவும் அளவாகவும் உண்பார்கள். உடற்பயிற்சிகளில் ஈடுபடுவார்கள். போதுமான அளவு உறங்குவார்கள். அவர்களது உடலுக்குப் பொருத்தமான ஆடைகளையே அணிவார்கள்.அழகான மனிதர்கள் எப்பொழுதும் இறைவனின் உறவில் நாட்டம் கொண்டவர்களாகவும், நம்பிக்கை நிறைந்தவர்களாகவும் இருப்பார்கள். அதனால் அவர்கள்பிழைத்துப்போக மாட்டார்கள்.உண்மையான அழகு உறுதியானது. அது ஆன்மாவின் அடித்தளத்தில் இருந்தும் வாழ்க்கையின் ஒவ்வொரு அனுபவத்தில் இருந்தும் கொஞ்சம் கொஞ்சமாக கட்டியெழுப்பப்பட்டதாக இருக்கும். இப்போதும் அந்தஅழகை கட்டியெழுப்பியவர்களாகவே இருந்துகொண்டிருப்பார்கள். உண்மையான அழகுக்குப் பின்னால் அறிவும் இருக்கும். ஆற்றலும் இருக்கும். அனுபவமும் இருக்கும். அர்ப்பணமும் இருக்கும்.அழகானவர்கள் எப்பொழுதும் சங்கடங்களை சந்தித்து அவற்றை அர்த்தமுள்ளதாக மாற்றியமைத்துக் கொள்வார்கள். அவர்கள் தான் அழகானவர்கள். அவர்கள் தான் வாழ்வின் பொருளை உணர்ந்துகொண்டவர்கள்.நாமும் இப்படியான அழகால் மனநிறைவு பெற்றவர்களாக, உண்மையான அழகிற்கு சொந்தக்காரர்களாக எங்களை ஆக்கிக்கொள்ளவே ஆசைப்படுவோம்.

இங்கு குறிப்பிடப்பட்டிருப்பது போன்ற குணங்கள் எங்களை நாம் உண்மையான அழகானவர்களாக மாற்றியமைத்துக்கொள்ளதுணைபுரியும் அழகான குணங்களாக அமையும்..

பெண்கள் பாதுகாப்பு...

இந்தியாவில் மட்டுமல்ல உலகம் முழுக்க பெண்கள் பாதுகாப்பு என்பது பெரிய கேள்விக் குறியாகவே இருக்கிறது என்பது தான் நிதர்சனம். கேலி, கிண்டல், சைகை என ‘ஈவ் டீசிங்’கில் ஆரம்பித்த அந்த கேள்விக்குறி, இப்போது அதிநவீன தொழில்நுட்ப வளர்ச்சி காலத்தின் இன்டர்நெட் வரை நீண்டு கொண்டே தான் போகிறது..!நாம் நினைப்பதை விட அதிகமான பாதிப்புகளை, பெண்கள் திந்தினம் சந்திக்கிறார்கள் என்பது தான் அதிர்ச்சியான உண்மை. அதற்கு பலமான ஒரு ஆதாரமாய் நிற்கிறது சமீபத்தில் ஐ.நா வெளியிட்ட அறிக்கை ஒன்று..!

ஐ.நா-வின் புதிய அறிக்கை ஒன்று உலகம் முழுக்க, ஆன்லைன்னில் உள்ள மூன்றில் ஒரு பங்கு பெண்கள் சைபர் குற்றங்களுக்கு ஆளாகின்றனர் என்று தெரிவிக்கிறது.பெண்கள் மற்றும் பெண் குழந்தைகளுக்கு எதிராக நடக்கும் ஆன்லைன் வன்முறை, உலகம்விழித்துக்கொள்ள ஒரு குரல் (Combating Online Violence Against Women & Girls: A Worldwide Wake-Up Call) என்ற ஆய்வு ஒன்றை நடத்தியுள்ளது ஐ.நா..!

பெண்களுக்குஎதிரான ஆன்லைன் குற்றங்களில் குறைந்த அளவிலான பாதிப்புகளை பெறும் நாடுகளில் இந்தியாவும் அடங்குகிறது. அப்படியாக இந்தியாவை பொருத்தமட்டில், 35% பெண்கள் தாங்கள் பாதிக்கப்படுவதாக புகார் அளிக்கும் அதே நேரத்தில் 46.7% பெண்கள் புகார்கள் எதுவும் அளிப்பது இல்லை என்கிறது ஐ.நா அறிக்கை.

மேலும் 18.3% இந்திய பெண்கள் தாங்கள் பாதிக்கபடுவதைக்கூட உணராமல் இருக்கின்றார்கள் என்ற அதிர்ச்சி தகவலையும் ஐ.நா அறிக்கை அம்பலபடுத்தியுள்ளது. உறுதி அளிக்கும் வகையில், இந்தியாவையும் சேர்த்து மொத்தம் 6 நாடுகளை சேர்ந்த 67% பெண்கள் தாங்கள் பாதுகாப்பாக உணர்வதாக கூறியுள்ளார்களாம்.

உலகம் முழுக்க 18 முதல் 24 வயதிற்குள் உள்ள பெண்கள் தான்,பின்தொடர்தல் மற்றும் பாலியல் தொந்தரவுகளை அதிகம் சந்திக்கின்றனர் என்றும் இந்த அறிக்கை தெரிவிக்கிறது.

ஆன்லைன் குற்றங்கள், இன்டர்நெட் சுதந்திரத்தை திசை திருப்பும் வகையில் அமைவதாகவும், பல இடங்களில் அது பெண்கள் மற்றும் பெண் குழந்தைகளுக்கு எதிரான கடுமையான செயல்களில் ஈடுபடுவதாகவும் ஐ.நா கூறியுள்ளது.

ஆக பெண்களுக்கு எதிரான இது போன்ற குற்றங்களுக்கு எதிராக உலக நாடுகள் விழித்து கொண்டு, இதை தடுக்க செயல்பட வேண்டிய தருணம் வந்து விட்டது என்றும் ஐநா கேட்டுக் கொண்டுள்ளது.